زعلانة مني

زعلانة مني .. ؟؟
8,march .2013
https://www.youtube.com/watch?v=lPZJHkvA8A8
ما كانش قصدي أزعلك
كان غصب عني ..
كان نفسي بس أطمنك
و كمان .. لأني
كان نفسي أطمن عليكي

زعلانة مني ..؟؟
دا أنتي في قلبي و جوا روحي
جوا دمي
ليلي .. ونهاري بكلمك
و بقيت كأني
مابقتش شايف غير عينيكي

زعلانة مني .. ؟؟
كان نفسي أقولك إني
فاكرك ..مش ناسيكي
كان نفسي أحقق وعد
يوم.. وعدته ليكي
كان نفسي أقولك إني ملكك
..بين إيديكي

أنا كنت عايز أودعك
بس .. لثواني
كان قلبي حاسس إني مش
هاسمعها تاني
و غصب عني إشتقاتلك
وبقيت أناني
و أنا راضي موتي لو راضيكي

وحياتك أنتي
ما تزعليش
فـ الدنيا دي
غيرك ماليش
أنا ممكن أتحمل دموعي
لكن فـ تعبك مش هاعيش

في كل حته
قصادي صورتك
و مافيش في قلبي
.. إلا قلبك
هأديكي عمري كله ليكي
و هاموت وأنا هافضل بحبك

لو شوفتي عيني
.. هتفهميني
هتفهمي
.. شوقي و حنيني
و إنّي فـ بعادك مش بعيش
و إن أنتي روحي
و ضيّ عيني