ëla vera, da roma amor

Ëla véra quel ch’i diś,
che i parêt i n’è i amìgh,
che i amìgh i n’è i parêt
che la tëra la n’è e’ frument,
che e’ frument un n’è la tëra,
che la pës la n’è la guera,
che la guera la n’è la pës,
cha la stopa la n’è bambës,
che è bambës u n’è la stopa,
che un fus u n’è ’na roca,
che la ròca la n’è un fus,
che una finestra la n’è un bus,
che un bus u n’è ’na finestra,
ch’un pên u n’è ’na minestra,
che la mnestra la n’è un pên,
ch’un frajol u n’è un gabên,
che un gabên u n’è un fraiöl,
‘na vaca la n’è un manzöl,
che un manzöl u n’è ’na vaca,
che un badìl u n’è ’na zapa,
ch’una zapa la n’è un badìl,
né d’Agost e né d’Avril,
né d’Avril e né d’Agost,
e’ biênch u n’è un’ ross,
e un ross u n’è un biênc,
e ‘na presa la n’è un chêmp,
e un chêmp u n’è ’na presa,
e un fer u n’è ’na sega,

Ëla véra quel ch’i diś,
che i parêt i n’è i amìgh,
che i amìgh i n’è i parêt
che la tëra la n’è e’ frument.