Zbardhet dëshmia e Mirald Metallarit

?E vrava babain pasi me goditi me grusht pasi derdha karrocën me llaç?
Prokuroria për krimet e Rënda kërkon që për Mirald Metallari të caktohet masa e sigurisë arrest me burg. 21-vjeçari dy ditë më parë vrau babain dhe plagosi nënën e tij në shtëpinë e tyre ne Bathore. Heteusit kanë marrë dëshminë e autorit te krimit i cili ka sqaruar se shkak për vrasjen është bërë derdhja e një karroce me llaç. Pas këtij momenti viktima Miftar Metallari e ka goditur me grusht. Në këtë Miraldi hyn në banesë ku ndodheshin dhe dy motrat e tij duke marrë armen e shërbimit të babait, pasi ishte punonjës policie. Fillimisht ai ka qëlluar ndaj të emës Nuries pasi ajo tentoi ta ndalojë. Ndërkohë, i ati, Miftari, ishte duke ardhur në drejtim të Miraldit, ky i fundit ka hapur zjarr edhe ndaj tij duke zbrazur të gjithë fishekët që kishte në karikatorin e pistoletës. Më pas autori sqaron në dëshmi se ka shkuar te e ëma, të cilët e ka marrë në makinë me qëllim dërgimin në spital. Me vete ka patur edhe armën e krimit. Ai është nisur për në Spitalin e Traumës, ku në hyrje është arrestuar nga policia, ndërsa të plagosurën e kanë dërguar në urgjencën e spitalit. Në deklarimin e tij ky autori thekson se armën ua ka dorëzuar punonjësve të policisë. Ndërsa ka shpjeguar se nuk ka patur konflikte te mëparshme me babain dhe gjithçka ka ndodhur në çast..