Zaev vendos ti padisë mediat!

Kryetari i LSDM-së Zoran Zaev ka vendosur të kërkojë përmes gjykatës, përgjegjësi nga mediat të cilat gjatë ditëve të fundit shkruanin për familjen e tij dhe për rastin me eksportin e kastravecit, me përqindje të lartë pesticidesh. Në gjykatë do të thirret edhe një person, me emrin Nikolla, i cili prezantohet si kryetar i Shoqatës së Fermerëve, si dhe 5 ose 6 fermerë të përfshirë në këtë mashtrim, ka thënë Zaev. Sipas tij, vëhet fjalë për një aferë akuzash ndaj familjes së tij, se gjoja po rrezikon shëndetin e qytetarëve.

"Nuk mund të durojnë që unë dhe LSDM-ja, me argumente t'i zbulojmë krimet e oligarkisë familjaro-partiake të VMRO- DPMNE-së. Janë të tmerruar nga dokumentet për pasurinë e personit, të paprekshëm deri tani, Sasho Mijallkov. Iu dhembin të dhënat për pasurimin e Gordana Jankulovskës, Vllatko Gjorçevit, bashkëpunëtorë të parë të Nikolla Gruevskit. Përmes fushatës së pafytyrë dhe të keqe në media, iu vërsulën anëtarëve të familjes sime dhe reputacionit tim. Unë dhe familja ime këtë kënaqësi nuk do jua lejojmë. Portalet "Kurir", "Netpres" dhe disa media të tjera të kontrolluara nga pushteti, për gënjeshtrat dhe trillimet e publikuara në tekstet që flasin për "Sjellje skandaloze të familjes Zaev", " Zaevët fitojnë në kurriz të fermerëve", "Zaevët i helmojnë njerëzit" e kështu me radhë, do të ftohen për përgjegjësi para gjykatave kompetente në Republikën e Maqedonisë", tha Zoran Zaev, kryetar i LSDM-së. Alsat-M