yuvasena, shivsena, aditya thackeray

शिवसेनेची`युवा सेना`
आवाज कुणाचा शिवसेनेचा... अशा घोषणा देत तरुणांनी शिवसेनेला डोक्‍यावर घेतलं. पण महाराष्ट्र नवनिर्माण सेनेच्या उदयानंतर राज ठाकरे हे तरुणांचं आकर्षण बनले. मनसेला विधानसभा आणि लोकसभा निवडणुकीत मिळालेल्या मतांमध्ये तरुण मतदारांचा मोठा वाटा होता. नेमकी हीच चिंता शिवसेनेला भेडसावतेय. या तरुण वर्गाला आकर्षित करण्यासाठीच शिवसेनेनं आता `युवा सेना` स्थापन करण्याचा निर्णय घेतलाय. शिवसेनेतले तरुण आमदार, स्थानिक प्रतिनिधी, संघटनाप्रमुख यांचा त्यात समावेश करण्यात आलाय. युवा सेनेचे सर्वाधिकार उद्धव ठाकरे यांच्याकडेच असले तरी भविष्यात त्याची सारी सूत्रं आदित्य ठाकरे यांच्याकडेच असणार आहेत. सध्या शिक्षण क्षेत्रातल्या प्रश्नांमधून सरकारवर वार करणारे आदित्य आता या सेनेद्वारे थेट राज्याच्या राजकीय पटलावर उतरतील.