“Tre djemte e akullit”

Jemi mësuar shpesh të shohim gara me motorë në rrugë apo pistat e dheut, por asnjëherë në akull... të paktën në vendin tonë. Duket se ka edhe nga ata që i kanë shijuar ndryshe reshjet e dendura të borës të ditëve të fundit. Këta 3 djem, që i përkasin shoqatës së motoristëve ?Enduro Albania? kanë dhënë një spektakël ndryshe, në liqenin e ngrirë të Shëngjergjit.

Denis Kallaku, Erjus Tufa dhe Aldo Myrtezaj vendosën që këtë fundjave ta shfrytëzojnë vetëm disa kilometra larg Tiranës. Për herë të parë në vendin tonë, ata praktikojnë sportin ekstrem me motorë në akull. Në fillim në Liqenin e Bizës në Martanesh dhe tashmë edhe në Shëngjergj.Për të praktikuar një sport të tillë, motorët disa mijë euro të kushtueshëm, duhet të jenë të pajisur me goma të veçanta.

Dashuria për motorët duket se për këta djem ka lindur që në fëmijëri. Por cilat janë synimet e këtyre tre sfiduesve të motit të ftohtë, akullit dhe ngricës?

"Të shkojmë në kampionat ballkanik", thonë ata.

"Këta janë tre djemtë e akullit, sportin e tyre duan ta kthejnë në një spektakël për të gjithë të apasionuarit pas sportit ekstrem. E në fakt, natyra shqiptare ofron mrekulli të tilla, Shëngjergji nuk është i vetmi".