Traumat e pasluftes ne Kosove

Willem Poelstra, është fotograf holandez. Pas vdekjes së prindërve e kishte kuptuar se i ati kishte punuar në ndërtimin e trenave që çuan hebrejtë në vdekje. E ëma ishte hebraike. Kutia me dedikim të historisë personale e shtyu të shkonte në Kosovë. Portrete, histori, tragjedi e çifte të ndaluara. Koha e pas luftës lë trauma. Historitë e shqiptarëve dhe serbëve në një ekspozitë në kryeqytetin serb. Diskutimi duket i hershëm dhe i vonuar. Viktima janë njerëzit: askush nuk është fitues.

?Në shumë vende në Europë dhe këtu e shikon se si në Maqedoni, si Mali i Zi, Shqipëria është ndryshe dhe në Kosovë e shikon që njerëzit jetojnë përtej kufijve, ata që mund të quhen një fis siç janë kurdët apo shqiptarët që jetojnë në vende të ndryshme. Kjo shkakton përplasje pasi kthehemi në histori dhe kjo në Perëndim është e zgjidhur, por jo në këtë pjesë të botës?, tha Willem Poelstra, fotograf.

Evropa e frikësuar ka gjetur strehën tek uniteti. Liria dhe diskutimi janë të rëndësishme për të mbyllur mundësinë e ripërsëritjes.

?Unë vij nga një vend shumë demokratik dhe jemi vendi i dytë në botë për liri të shtypit. Besojmë se mediat të vështrojnë dhe është gjë e mirë për demokracinë. Nuk besoj se një foto shpëtoi Vietnamin pasi jemi në kohën e internetit, por sa më shumë që bëjmë krijojmë debat dhe gjejmë zgjidhje.?

Fotografi ka ende të zhdukur rreth 90 persona të familjes së tij që prej luftës së Dytë Botërore. Poelstra ka kaluar vite duke bërë hartat e dhimbjeve në historitë e tij të së ardhmes për të shkuarën.