Tension ne Parlament

Miell, vezë dhe shishe fluturuan në drejtim të Kryeministrit dhe anëtarëve të tjerë të qeverisë gjatë një seance plenare të tensionuar, paraditen e kësaj të enjteje.

Ky ishte "arsenali i armëve" me të cilin opozita zgjodhi për t?i përdorur në formë proteste kundër vendimit të Byrosë për të mos e miratuar kërkesën e saj për të përjashtuar Kryeministrin Rama.

Për katër herë radhazi kryeparlamentari Ruçi ndërpreu punimet e Kuvendit, ndërsa opozitës beteja i kushtoi tre deputetë të përjashtuar.

Opozita këmbënguli në përjashtimin e Kryeministrit për fjalorin e përdorur ndaj deputetëve disa javë më parë në parlament.

Flamur Noka u përjashtua për shkak se hodhi miell në drejtim të Kryeministrit Rama.

Me rinisjen e punimeve në vend të miellit u përdorën vezët, topat e letres dhe shihet e ujit nga deputetet Klevis Balliu, Ervin Salianji dhe Kejdi Mehmetaj.

Nje reagim i ministrit të Jashtëm, Ditmir Bushati, që hodhi ujë në drejtim të deputetëve të opozitës, e acaroi më tej situatën, veprim për të cilin pati pakënaqësi edhe Kryeministri.

Më vonë, pas seancës, ai kërkoi ndjesë për veprimin, duke e quajtur instiktiv dhe duke thënë se nuk arriti dot të ruajë gjakftohtësinë.

Teksa seanca ndërpritej, ai që transmetonte live gjithçka ndodhte brenda Parlamentit ishte ish-Kryeministri Berisha.

Kryeministri nuk foli, por kryetari i grupit parlamentar socialist Taulant Balla dha arsyen se përse sipas mazhorancës opozita po e bllokonte vijimin normal të jetës parlamentare.

Akuzat vijuan edhe jashtë punimeve të Kuvendit. Në mes të kaosit mazhoranca vijoi e vetme me votimin e projektligjeve dhe marrëveshjeve që ishin në rend të ditës.