Telangana CM KCR Extraordinary Steps In Development

Telangana Chief minister K Chandrasekhar Rao announced plans for developing a film city in the area as it is considered an ideal location owing to its natural beauty and proximity to Hyderabad and the Shamshabad international airport. The grand plans of developing a film city at Rachakonda hillocks in Nalgonda, Mahabub Nagar, Ranga Reddy districts.
#KChandrasekharRao
#Telangana

ఐదు దశాబ్దాలకుపైగా పోరాటంతో సాకారమైన తెలంగాణ రాష్ట్రం అనూహ్యమైన ప్రణాళికలతో ముందుకెళ్తున్నది. కల్వకుంట్ల చంద్రశేఖర్ రావు నేతృత్వంలోని ప్రభుత్వం నూతన పారిశ్రామిక విధానాన్ని అమలులోకి తీసుకొచ్చి అభివృద్దిపై దృష్టిపెట్టింది. కొత్త పారిశ్రామిక విధానంలో భాగంగా ఘనమైన చిరిత్ర ఉన్న రాచకొండ గుట్టలపై దృష్టిపెట్టారు.
రాచకొండను రాజధానిగా చేసుకొని రేచర్ల పద్మనాయకులు తెలంగాణను పాలించారు. అనపోతన లాంటి గొప్ప రాజులెందరో ఈ ప్రాంతం నుంచి పాలన సాగించారు. అత్యంత పటిష్టంగా భారీ ప్రాకారాలు, అద్భుతమైన కోటలు, శత్రు దుర్భేధ్యమైన ప్రహారీలను ఆ కాలంలోనే నిర్మించారు. ఇప్పటికీ ఈ ప్రాంతం పర్యాటకులను విశేషంగా ఆకర్షిసున్నది.
రాష్ట్ర విభజన తర్వాత హైదరాబాద్‌ నుంచి సినిమా పరిశ్రమ తరలి వెళ్లిపోతుందనే వార్తలతో కేసీఆర్ ప్రభుత్వం అప్రమత్తమైంది. సినీ పరిశ్రమ అంతా ఆంధ్ర ప్రాంత ఆధిపత్యంలో ఉండటంతో వారిని ఆకట్టుకొనేందుకు ప్రయత్నించారు. అలాగే సినీ వర్గాలకు భరోసా కల్పించే విధంగా ప్రణాళికలు చేపట్టారు. ఆ నేపథ్యంలోనే రాచకొండలో ఫిలింసిటీ తెరపైకి తీసుకొచ్చారు.
రాచకొండ ప్రాంత తెలంగాణ రాజధాని హైదరాబాద్‌కు సుమారు 40 కిలో మీటర్ల దూరంలో ఉంది. ఈ ప్రాంతం నల్లగొండ, మహబూబ్ నగర్, రంగారెడ్డి జిల్లాలో విస్తరించి ఉంది. సినిమా షూటింగులకు అనుకూలంగా ఉన్న ఈ ప్రదేశంలో పోతులూరి వీరబ్రహ్మేంద్రస్వామి చరిత్ర, ఎన్‌కౌంటర్, ఆగడు, గబ్బర్ సింగ్, సీతారాముల కల్యాణం లంకలో, విరోధి, రెబల్ లాంటి చిత్రాలు షూటింగ్ జరుపుకొన్నాయి.