TATA 45x SUV

വാഹനപ്രേമികളെ ഭ്രമിപ്പിച്ച് ടാറ്റയുടെ പ്രീമിയം ഹാച്ബാക്ക് 45x

ഡല്‍ഹി ഓട്ടോ എക്സ്പോയില്‍ വാഹനപ്രേമികളെ ഹരം കൊള്ളിച്ച് ടാറ്റയുടെ പ്രീമിയം ഹാച്ച്ബാക്ക് 45X .

ടാറ്റയുടെ കണ്സെപ്റ്റ് മോടെലുകളില്‍ ഒന്നായ H5X എസ് യു വി അടുത്ത വര്‍ഷത്തോടെ വിപണിയിലെത്തുമെന്നാണ് പ്രതീക്ഷ. ഇതിന്റെ പരീക്ഷണ ഓട്ടങ്ങള്‍ നേരത്തെ തന്നെ നടന്നിരുന്നു.പിന്നാലെ 45X മോഡലും വൈകാതെ നിരത്തിലെത്തുമെന്നാണ് സൂചന.ഇംപാക്ട് ഡിസൈന്‍ 2.0 ശൈലിയില്‍ അഡ്വാന്‍സ്ഡ് മോഡുലാര്‍ പ്ലാറ്റ്ഫോമില്‍ നിര്‍മിച്ച ടാറ്റയുടെ ആദ്യ കാറാണിത്. ജാഗ്വര്‍ ലാന്‍ഡ് റോവറിന്റെ സഹകരണത്തോടെ ടാറ്റ യുടെ പുണെ, ഇറ്റലി, യുകെ ഡിസൈന്‍ സ്റ്റുഡിയോകളിലാണ് ഈ കണ്‍സെപ്റ്റ് മോഡലിന്റെ രൂപകല്‍പന പൂര്‍ത്തീകരിച്ചിരുന്നത്.

ലാന്‍ഡ്‌ റോവര്‍കാറുകള്‍ക്ക് സമാനമായി മാസീവ് ബോഡി ലൈനുകള്‍ക്കൊപ്പമുള്ള മാസ് ലുക്കായിരുന്നു കണ്സെപ്ടിന്‍റെ പ്രധാന സവിശേഷത.

മെക്കാനിക്കല്‍ ഫീച്ചേഴ്‌സ് സംബന്ധിച്ച വിവരങ്ങളൊന്നും കമ്പനി പുറത്തുവിട്ടിട്ടില്ല. സൂചനകള്‍ പ്രകാരം ടാറ്റ നെക്‌സോണിലെ 1.2 ലിറ്റര്‍ ത്രീ സിലിണ്ടര്‍ പെട്രോള്‍, 1.5 ലിറ്റര്‍ ഫോര്‍ സിലിണ്ടര്‍ ഡീസല്‍ എന്‍ജിനുകള്‍ ഇതില്‍ ഉള്‍പ്പെടുത്താനാണ് സാധ്യത. മാന്വല്‍, ഓട്ടോമാറ്റിക് ട്രാന്‍സ്മിഷനുകള്‍ പ്രതീക്ഷിക്കാം. മാരുതി സുസുക്കി ബലേനോ, ഹോണ്ട ജാസ്, ഹ്യൂണ്ടായി എലൈറ്റ് i20 എന്നിവയാകും ഇതിന്റെ പ്രധാന എതിരാളികള്‍