Talsa - Tamuɣli

TAMUΓLI
*******

I tmuɣli yezga wagu, yeεreq ubrid i d-newwi
Yal yiwen anida ileḥḥu, ur neẓra anda ara neɣli
Wa yecceḍ yewwi-t wasif, yuɣal ibeddel ssifa
Yeznuzuy deg watmaten-is, akken ad as-rnun di cciεa
Wayeḍ tewwi-t ddunit, cci d wayen yesεa
Yettu ula d taqbaylit, iɣellet adrim s lḥerma
S tukerḍa akked lekdeb, uɣalen d igelliden
Aneggar yesεa leεğeb di tmurt-is d wanda nniḍen
Lebyur asmi akken i ččuren, ala nutni i yettagmen
Tura mi dayen qquren, d nekni i yettwargamen
Ay arrac ɣiwelet ɣiwlet, taguni ur d-tettak tafat
D lawan tura ad nebges, agumi ad t-naf ɣer zdat
Tudert-nneɣ ar da telhu, s tiktiwin zeddigen
Ar zdat ara telḥu, ad nesfeḍ imeṭṭawen
I tmuɣli yezga wagu, yeεreq ubrid i d-newwi
Yal yiwen anida ileḥḥu, ur neẓra anda ara neɣli