Studentet pershkallezojne protesten

Ashtu siç kishin paralajmëruar studentët braktisën edhe këtë të henë auditoret për të vijuar protestën që e kanë shpallur si mbarëkombëtare.

Ata u mblodhën fillimisht në fakultete, ndërsa rreth rreth orës 10:00 u nisën drejt sheshit para Kryeministrisë. Një grup marshoi nga Fakulteti Filolologjik, ndërsa studentët e Inxhinierisë, fakultetit të Mjekësisë dhe Juridikut u bashkuan në bulevard.

Protestës iu bashkuan edhe studentë nga Elbasani, Durrësi dhe Shkodra. Me pankarta në duar ata këmbëngulin në plotësimin e 8 pikave duke refuzuar çdo lloj dialogu me kryeministrin.

Me studentët u solidarizuan edhe qytetarë të ndryshëm. Situata u tensionua kur një grupim tentoi të çajë kordonin e policisë për t?u vendosur në anën tjetër të Kryeministrisë. Më herët persona të ndryshëm u përpoqën të hidhnin tymuese drejt godinës së qeverisë, por nuk u lejuan nga studentët. Ata e quajtën protestën e tyre jopolitike.

Pas qëndrimit në shesh, studentët iu drejtuan rrethrrotullimit të Zogut të Zi, ku të ndarë në katër grupe bllokuan për dy orë rrugët hyrëse dhe dalëse të kryeqytetit. Ata kërkuan mirëkuptimin e qytetarëve dhe u kujdesën të mos pengojnë kalimin  e rasteve emergjente.

Ky bllokim solli trafik të rënduar përgjatë segmentit të unazës, por edhe në hyrje të rrugës së. Rreth orës 17:30 studentët liruan bllokimin e Zogut të Zi, dhe iu drejtuan sërish Kryeministrisë.