Shtepia e te droguarve!

"Kjo godinë e braktisur, e cila ndodhet në qendër të Kombinatit, prej vitesh është në këto kushte, e kthyer në një vend potencial për të gjithë narkomanët, të cilët injektojnë çdo ditë këtu sasinë e drogës".

Dikur kjo ndërtesë shërbente si restorant dhe më pas u projektua për të qenë markatë peshku. Pas vitit '90, me privatizimin e truallit u kthye në banesën e përdoruesve të drogës, e në disa raste edhe morgun e tyre. Vetëm në muajt e fundit, brenda saj janë kanë humbur jetën dy persona si pasojë e injektimit të heroinës.

Siç mund ta shihni edhe në pamje, kudo në shesh ka shiringa të sapo përdorura, e të tjera të cilat janë pluhurosur me kalimin e kohës.

Ata që jetojnë fare pranë shprehen të shqetësuar nga ?banorët e përkohshëm?, që kanë zënë tashmë këtë godinë.

?Të shembet 1 orë e më parë", thotë një banor. "Çfarë nuk na shohin sytë e dëgjojnë veshët", shprehet një tjetër, ndërsa një tjetër shton: ?Gjynah kalamajtë që kalojnë përditë këtu..."

Krahas shiringave, të cilat janë kthyer në burim sëmundjesh, për banorët është shqetësim më vete vendndodhja e godinës.

Shumë pranë aty ndodhet një shkollë 9-vjeçare dhe parku ku luajnë çdo ditë fëmijët. Pas saj është rajoni i policisë së Kombinatit, si edhe Qendra Shëndetësore ku marrin shërbim ditor shumë pacientë, të cilët kalojnë pranë hyrjes së ndërtesës së braktisur.

Klan Plus