“Samba” dhe kokaine

Një lokal nate në fshatin Bërdicë të Shkodrës ishte vendi ku shpërndahej rregullisht kokainë prej të paktën 3 vitesh. 2.2 kilogram u bllokuan në momentin që agjent i infiltruar i policisë ua blinte të dyshuarve. Në pranga ranë shtatë persona të përfshirë në këtë aktivitet.
Nga hetimi, u zbulua se Helidon Marku menaxher i lokalit, në bashkëpunim me Sajmir Arçin, Erjon Zekajn, Aldo Vruçajn, Indrit Taganin, Kristjan Ujkën, si dhe Aleksandër Matojën, shisnin dhe shpërndanin kokainë në ambientin që menaxhonin e punonin.

Janë bllokuar 489 mijë lekë 635 euro, tri automjete, 10 telefona celular etj. Gjithashtu është vë nën sekuestro ky lokal, ku zhvillohej ky aktivitet kriminal.
Kokaina shpërndahej, gjatë fundjavave, kryesisht gjatë orëve të natës. agjentët zbuluan grupin kriminal pasi vëzhguan të dyshuarit në lokal, në banesa e ambiente të tjera. Lokali ku zhvillohej aktiviteteti ka qenë edhe më herët objekti i punës së policisë. Me 4 shtator të vitit të kaluar, në lokalin me balerina dhe muzikë live, Admir Dekovi, ish- efektiv i Forcave Komando plagosi në kokë me pistoletë 21 vjeçarin Edmir Nilaj nga Malësia e Madhe.