saliva essential for body

ഉമിനീര്‍ കളയല്ലേ...

നാരങ്ങ ഇടയ്ക്കിടെ കഴിക്കുന്നത് ഉമിനീര്‍ ഉത്പാദനം കൂട്ടാന്‍ സഹായിക്കും

മനുഷ്യരടക്കമുള്ള പല ജന്തുക്കളുടേയും വായില്‍ ഉത്പാദിപ്പിക്കപ്പെടുന്ന ദ്രവരൂപത്തിലുള്ള സ്രവമാണ് ഉമിനീര്‍. ഉമിനീര്‍ ശരീരത്തിന് എത്രത്തോളം അത്യാവശ്യമാണെന്ന് അറിയാം.കഴിക്കുന്ന ആഹാരവുമായി ആദ്യം പ്രതിപ്രവര്‍ത്തനത്തിലേര്‍പ്പെടുന്ന ദഹനരസം ഉമിനീര്‍ തന്നെ. വായയുടെ ഉള്‍ഭാഗത്തെ എപ്പോഴും നനച്ചുക്കൊണ്ടിരിക്കുന്ന ദ്രാവകമാണ് ഉമിനീര്‍.ഉമിനീര്‍ കുറയുമ്പോള്‍ ഉമിനീര്‍ ഗ്രന്ഥികള്‍ക്ക് പല രോഗങ്ങളും പിടിപ്പെടാറുണ്ട് .ദഹനപ്രക്രിയയെ മെച്ചപ്പെടുത്തുക എന്നതാണ് ഉമിനീരിന്റെ പ്രധാന ധര്‍മ്മം. ഒരാളില്‍ ആയിരം മുതല്‍ ആയിരത്തിയഞ്ഞൂറ് മില്ലിലിറ്റര്‍ വരെ ഉമിനീര്‍ ഉത്പാദിപ്പിക്കപ്പെടുന്നു. ആഹാരസമയങ്ങളിലാണ് ഉമിനീര്‍ കൂടുതലായി സ്രവിക്കുന്നത്. ഉറങ്ങുന്ന സമയങ്ങളില്‍ ഉമിനീര്‍ ഉത്പാദനം കുറയും.