Rezidenca OLEA ne Dhermi

Për të herë të parë ajo sjell në Shqipëri teknologjinë më të re të impiantit të përpunimit të ujrave të ndotura. Halisof po ndërton këtë rezidencë elitare me të gjitha standartet e përcaktuara nga BE për të garantuar mbrojtjen e natyrës.

Impianti që gjeneron zero ndotje do të jetë në funksion të rezidences Olea me 108 vila dhe 42 apartamente. Administratori i kompanisë Halisof dhe Rezidencës Olea, Klaudio Riko, shprehet i vendosur të investojë në jug, zonë në zhvillim dhe me mjaft potencial për turizëm.
Investimi i ri përbëhet nga 24 filtra të fuqishëm që kthen ujërat e ndotura në të përdorshëm për vaditje dhe pleh kimik.

?Për të mbrojtur ambientin dhe për të mbrojtur mjedisin dhe ujërat e detit menduam që të vendosim këtë impiant. Ky impiant ka 24 filtrime brenda në çisternë që nxjerr preh nga ujërat e ndotura, ndërsa ujërat qarkullojnë dhe bëhetn për lulishtet?, tha Klaudio Riko.

Roberto Carrieri një nga inxhinierët italianë të projektit, tregon më shumë detaje për këtë investim të fjalës së fundit në teknologji

?Ndotja është në nivelin zero dhe një teknlogji e tillë perdoret në Itali në zona apo fshatra të vegjël. Bëhet fjalë për një investim me vlera të konsiderueshme, por me mjaft cilësi. Impianti pritet të jetë gati shumë shpejt, ndërsa tashmë puna është në hapat e fundit dhe ndoshta pas gati dy javësh do të nisë funksionin e vetë. Kjo është një teknologji shumë cilësore sipas standarteve të BE. Kemi sjellë një teknologji që do të mbrojë mbi të gjitha mjedisin. Nuk do të ketë derdhje të ujrave të ndotura në det?, tha Carrieri.

Impianti i Elbi S.p.a. udhëheqës në sektorin e pastrimit, për resortin në Dhërmi kërkoi studime specifike për të zgjidhur problemet që mund të shkaktoheshin gjatë punimeve. Sistemi duhet të siguronte gërmime minimale, konsum të ulët të energjisë dhe kontroll të emetimit të ndotësve.

Teknologjia e veçantë i ka mundësuar këto. Uji para se të futet nën tokë i nënshtrohet klorizimit me qëllim eleminimin e ngarkesës bakteriale ndërsa rezervuari është ndërtuar me material 100% të riciklueshëm.

Sa më sipër rrjedh nga kërkesa e Claudio Riko, drejtori i Halisof, i cili pas shumë vitesh pune në Itali, kërkoi një impiant pastrimi me performancë shumë të lartë që të mund garantojë një filtrimi optimal dhe të mbrojë një nga brigjet më të bukura në të gjithë Shqipërinë.

Tv Klan

SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/