Pune Metro

पुण्यात बहुचर्चित मेट्रो प्रकल्पाचं भवितव्य काय, यासाठी आणखी पंधरा दिवसांची प्रतीक्षा करावी लागणार आहे. आज महापालिकेच्या सर्वसाधारण सभेत मेट्रो प्रकल्पावर चर्चा होणार होती; तसंच तो मंजूर होण्याची शक्‍यताही होती. मात्र, माजी उपराष्ट्रपती भैरोसिंह शेखावत यांच्या निधनामुळं, आजची सभा 24 मेपर्यंत तहकूब करण्यात आली. 24 मेला होणाऱ्या सर्वसाधारण सभेतही मेट्रोवर चर्चा होणार नाही, त्यामुळं, त्याचं भवितव्य पुढील महिन्यात होणाऱ्या पाच तारखेच्या सर्वसाधारण सभेपर्यंत अंधातरीचं राहणार हे पुन्हा स्पष्ट झालं.