Peace By Chocolate

حصل الرئيس الأمريكي جو بايدن خلال زيارتو لكندا على قطعة شوكولاتة كهدية، بس هي الشوكولاتة ما كانت عادية، لأنها من إنتاج شركة أسستها عائلة سورية لاجئة بكندا.
لسا الدنيا بخير وفيها قصص حلوة كتير، قصتنا اليوم عن عائلة سورية كانت بتملك مصنع شوكولاتة صغير بدمشق، المصنع تعرض للقصف والدمار خلال الحرب واضطرت العائلة تهرب للبنان وبعدين تلجأ لكندا.
الكنديين استقبلوا العائلة ودعموها كتير، وساعدوها لتجمع مبلغ وترجع تفتح مصنع الشوكولاتة، واختياروا اسم ملفت لهالمصنع هوة "السلام بالشوكولاتة".
كتير من وسائل الإعلام الكندية والعالمية حكت عن هي العائلة ونجاحها، واعتبروا هالشي إنجاز كبير ودليل على نجاح اندماجها بالمجتمع الكندي. لدرجة أنو زعيمة حزب الخضر الكندي إليزابيث ماي قررت تهدي الرئيس الأمريكي جو بايدن خلال زيارتو لكندا قطعة شوكولا من إنتاج هالشركة.