PDSH: Shehtanski 'Sulltan' i komunave

Anulimi i vendimit për shpalljen e Ramush Haradinajt, Qytetar nderi i Tetovës dhe mbetja pezull e vendimit për ndërrimin e emrave të shkollave në Komunën e Çairit, ishin në fokusin e përplasjes mes anëtarëve të komisionit për pushtet lokal, në debatin rreth plotësim ndryshimeve të ligjit për Inspektoratin shtetëror të vetëqeverisjes lokale. Me këtë rast deputetë e PDSH-së opozitare pyetën ministrin e pushtetit lokal Tahir Hani, se pse nuk shkarkon drejtorin e inspektoratit shtetëror, Vanço Shehtanskin, por propozojnë ndryshime të cilat i rrisin edhe më shumë kompetencat këtij inspektorati, duke e pavarësuar nga ministria e pushtetit lokal për ta bërë subjekt më vete apo siç u shpreh Bekim Fazliu, 'Sulltan' të të gjitha komunave.

"Tash edhe me ligj e fuqizoni inspektoratin e Shehtanskit. Tashe bëni Shehtanskin Sulltan të komunave... i të gjithë kryetarëve të komunave. Kështu është ligji që propozoni Ju. Po emrat e shkollave, katër emrat e shkollave. A e dini se një vit ju jeni tallë me ma të shenjtit tanë, me fëmijët me nxënësit shqiptarë se do ti ndërroni emrat e shkollave, keni mashtruar opinion dhe shqiptarët, keni mashtruar ata prind në Çair dhe në fund as që ndërruat emrat e shkollave, dëftesat ata fëmijë i kanë marrë me emrat maqedonas. Dhe sot vini, u përqafët me Shehtanskin. Edhe për këtë punë që ka bë, këtë krim dhe ju e shpërbleni me këtë propozim ligj, e fuqizoni rolin e tij në atë inspektorat", deklaroi Bekim Fazliu, PDSH.

"Me ligjin, ashtu siç merr fuqi politike si subjekt i pavarur Inspektorati shtetëror i pushtetit lokal, ashtu do të marrë fuqi politike dhe pavarësi, inspektorati për komunikacion, për transport në ministrinë e transportit dhe lidhjeve, ashtu do të marrin subjekt të pavarur edhe shumë inspektorate që menaxhohen nga kuadro shqiptare", tha Tahir Hani, ministër i pushtetit lokal.

Ndërkohë Xhevat Ademi kundërshtoi krahasimin e emrave të shkollave dhe rastin Haradinaj, duke e cilësuar këtë të fundit si keqpërdorim politik nga ana e PDSH-së. Kundërpërgjigjet Orhan Ibrahimi nga PDSH-ja, duke vënë në pah pafuqinë politike të ministrave të BDI-së.

"Është legjitime, dakordohen me shqetësimin publik e dhe qytetarët të mos-menaxhimit dhe të mos-rrumbullakimit të emërtimit të shkollave të çairit me emrat e propozuar që kanë kaluar të gjitha procedurat. Por shpallja e Ramush Haradinajt qytetar nderi i Tetovës ishte gjithçka politike, propagandë, marketing parazgjedhorë e fare qëllim i ndershëm", u shpreh Xhevat Ademi, BDI.

"Paska qenë moment politik, po le të ketë qenë moment politik, po ai është figurë politike, është figurë e kombit tonë. Çfarë të keqe ka? Mos luani dhe mos e mjegulloni situatën është shumë e thjeshtë, shumë konkrete, ju ministër pse nuk e shkarkoni këtë kryeinspektor, por është e kundërta ai të shkarkon ty, ai e ka fuqinë politike", u shpreh Orhan Ibrahimi, PDSH.

Propozimi në fjalë me mbështetjen e shumicës së anëtarëve të komisionit për vetëqeverisje lokale do të vazhdoj procedurën e mëtejm...