Ora News - Lista e zezë e ndërtimeve në bregdet

Subscribe në Ora News këtu http://bit.ly/1s5j7UT

Task-Forca e Policisë së Shtetit ka krijuar tashma data basin me të gjitha ndërtesat në bregdet, të cilat kanë probleme pronësie. Burimet policore bëjnë me dije se lista me këto ndërtesa, të cilat janë bare, restorante dhe hotele, u është dërguar agjencive të tjera ligjzbatuese dhe pas kësaj pritet të bëhet verifikimi I pasurisë mbi bazën e të cilave ato janë ndërtuar. Në fund të këtij hetimi pritet sekuestrimi apo edhe prishja e këtyre ndërtimeve.

Një listë me ndërtesat problematike në bregdet është hartuar nga Task-Forca e Policisë së Shtetit, në çelje të sezonit turistik.

Nga burimet e policisë mësohet se prej pak ditësh, kjo njësi ka hartuar një data base me ndërtesat që ndodhen në vijën bregdetare, kryesisht në Vlorë, Durrës, Lezhë dhe Shkodër.

Më konkretisht bëhet fjalë për bare, restorante dhe hotele, të cilat kanë probleme pronësie dhe mund të bëhen shkak për konflikte përgjatë flukseve të pushuesve. Falsifikimi i dokumenteve, pastrimi i parave, mbivendosja, ndërtimi pa leje dhe përfitimi i pronës me anë të kanosjes janë disa nga veprat penale, me të cilat dyshohet se janë përfituar këto godina.

Këtu përfshihen edhe ato ndërtesa, pronarët e të cilave janë në procese gjyqësore. Të njëjtat burime saktësojnë se kjo listë i është përcjellë Inspektoriatit të Mbrojtjes së Territorit dhe Agjencisë së Trajtimit të Pronave, ndërsa bilanci përfundimtar do të trajtohet edhe nga njësitë e Task-Forcës së Prokurorisë në rrethe.

Për më shumë lexoni në: http://oranews.tv/article/lista-e-zeze-e-ndertimeve-ne-bregdet