Opozita padit Veljanoskin

Propozimi i presidentit Ivanovit për formimin e një Komisioni të pavarur anketues nuk paraqet asgjë tjetër pos ikjes nga përgjegjësia. Kështu u shpreh Igor Ivanovski nga LSDM-ja derisa komentoi nismën e presidentit Ivanov për formimin e Komisionit për ngjarjet e 24 dhjetorit. Sipas tij nuk ka nevojë për një komision të tillë nga shkaku se i gjithë populli maqedonas dhe më gjerë i ka parë ngjarjet në Kuvend, edhe përkundër pengesës së gazetarëve për të informuar për zhvillimet e 24 dhjetorit. Ivanovski madje paralajmëroi se sot do të ngrenë padi penale ndaj kreut të Kuvendit Trajko Veljanoski të nënshkruar nga 42 deputetët e opozitës.

"Të gjitha komisionet e karakterit të këtillë bëhen që të mos bartin përgjegjësi ata të cilët e urdhëruan atë që ndodhë, për këto arsye nuk na duhen komisione për diç që të gjithë e dinë. Duhet dikush të bartë përgjegjësi dhe për këtë shkak sot ngritëm padi penale ndaj personit Trajko Veljanoski, të nënshkruar nga 42 deputetë për keqpërdorim të detyrës së tij zyrtare dhe kompetenca në pajtim me kodin penal. Në rast se Maqedonia është shtet juridik, Trajko Veljanoski tani do të duhet jo vetëm politikisht por edhe penalisht duhet të përgjigjet për atë që ka bërë", deklaroi Igor Ivanovski, LSDM

Ivanovski akuzoi edhe ministren e brendshme për keqpërdorimin e policisë për qëllime partiake.

Është e palejueshme, është turpshme se gjithmonë kur përfaqësuesit politikë të VMRO-DPMNE-së, kur ai grup i vogël do të ballafaqohet me popullin, me përgjegjësinë e tyre për punën e paligjshme, fshihen pas institucioneve. As Gordana Jankullvska nuk është MPB e as 12 mijë policë, por vetëm një pjesë e udhëheqësish partiake e cila e ka rrëmbyer dhe keqpërdorë policinë për qëllime partiake. Në këtë drejtim edhe personi Trajko Veljanoski nuk është Republika e Maqedonisë e as institucion Kuvend i Maqedonisë, ai është vetëm njëri nga deputetët dhe atë ai që ka urdhëruar që të shkelet demokracia parlamentare", tha Igor Ivanovski, LSDM.

Këto komente Ivanovski i bëri gjatë protestës së sotme të frontit opozitarë kundër ngjarjeve të 24 dhjetorit në Kuvend. Protesta të ngjashme do të mbahen edhe në ditët në vijim me bllokimin e kryqëzimeve. Bedri Rexhallari