Opera ne turin veror

?Opera Summer Tour? vijon me koncertet në sheshet e qyteteve bregdetare të  Shqipërisë. Dje ndalimi i orkestrës së operas, solistëve dhe bandës pop ishte Durrësi.

Në skenën e ngritur në sheshin kryesor të shëtitores së Vollgës, publiku durrsak tejmbushi sheshin për të ndjekur paraqitjen brilante të Vikena Kamenicës, Armaldo Kllogjerit, Renisa Lackës apo instrumentistëve Albana Leka dhe Nikola Kondakçi.

Sipas drejtuesve të Opera dhe Baletit, ky institucion theu kufijtë e vetë duke i ofruar publikut një program me pjesë nga Morricone, Beatles apo Jannis. Muzike ndërkombëtare, perlat shqiptare, italiane apo greke.

?Opera on tour? është një nga projektet më të rëndësishme të TKOB për këtë sezon veror në kuadër të turizmit kulturor 2018.

Ngjarja e radhës është premiera absolute e Ansamblit të Këngëve dhe Valleve Popullore, ?Sokaku i të Marrëve? në Gjirokastër 18,19 dhe 21 Korrik.