New type driving licence

മുഴുവന്‍ ഡ്രൈവിങ് ലൈസന്‍സുകളും പ്ലാസ്റ്റിക് കാര്‍ഡുകളാക്കുന്നു

സംസ്ഥാനത്തെ മുഴുവന്‍ ഡ്രൈവിങ് ലൈസന്‍സുകളും പ്ലാസ്റ്റിക് കാര്‍ഡുകളാക്കുന്ന പദ്ധതിയുമായി ഗതാഗതവകുപ്പ്


ഇന്ത്യയൊട്ടാകെ ഏകീകൃത ലൈസന്‍സ് കൊണ്ടുവരുന്നതിന്‍റെ ഭാഗമായി കേന്ദ്രസര്‍ക്കാര്‍ അവതരിപ്പിച്ച സാരഥി പദ്ധതി സംസ്ഥാന വ്യാപകമായി നടപ്പിലാക്കാന്‍ മോട്ടോര്‍ വാഹന വകുപ്പ് തയ്യാറെടുക്കുന്നു. ഇതിന്‍റെ ഭാഗമായി സംസ്ഥാനത്തെ മുഴുവന്‍ ഡ്രൈവിങ് ലൈസന്‍സുകളും പ്ലാസ്റ്റിക്ക് കാര്‍ഡുകളാക്കുന്നത്. ഇതിനോടകം തന്നെ മൂന്നിടങ്ങളില്‍ താത്കാലികമായി പ്ലാസ്റ്റിക് കാര്‍ഡുകള്‍ വിതരണം ആരംഭിച്ചു. തിരുവനന്തപുരം ജില്ലയിലെ കുടപ്പനക്കുന്ന്, കൊല്ലം ജില്ലയിലെ കരുനാഗപ്പള്ളി ,ആലപ്പുഴ എന്നീ ആര്‍ടി ഓഫീസ് പരിധിയില്‍ പെടുന്നവര്‍ക്കാണ് നലവില്‍ ഇത്തരം ലൈസന്‍സ് വിതരണം ചെയ്യുന്നത് .ഇത് സംസ്ഥാനം മുഴുവനും നടപ്പാക്കാനാണ് തീരുമാനം.രാജ്യത്തെ വിവിധ സംസ്ഥാനങ്ങളില്‍ മുമ്പ് തന്നെ പ്ലാസ്റ്റിക് ഡ്രൈവിംഗ് ലൈന്‍സുകളുണ്ട്. ഓരോ വര്‍ഷവും സംസ്ഥാനത്ത് ഏഴു ലക്ഷംപേര്‍ പുതിയതായി ഡൈവിംഗ് ലൈന്‍സന്‍സ് എടുക്കുന്നുണ്ട്.

പദ്ധതിയുടെ ഭാഗമായി 80 ലക്ഷത്തോളം ഡ്രൈവിംഗ് ലൈന്‍സുകളാണ് സംസ്ഥാനത്തു പ്ലാസറ്റിക് കാര്‍ഡാക്കി മാറ്റേണ്ടി വരിക.


മുഖ്യമായും ആറ് മാറ്റങ്ങളോടെയാണ് പുതിയ ഡ്രൈവിംഗ് ലൈസന്‍സ് അവതരിപ്പിക്കുന്നത്. ക്യൂ ആര്‍ കോഡ്, സര്‍ക്കാര്‍ ഹോളോഗ്രാം, മൈക്രോലൈന്‍, മൈക്രോ ടെക്‌സ്റ്റ്, യുവി എംബ്ലം, ഗൈല്ലോച്ച പാറ്റേണ്‍ എന്നിങ്ങനെ ആറു സുരക്ഷാ സംവിധാനങ്ങള്‍ കാര്‍ഡില്‍ ഉണ്ടാകും. കൂടാതെ വ്യക്തിയെ കുറിച്ചുള്ള അടിസ്ഥാന വിവരങ്ങളും കാര്‍ഡിലുണ്ടാവും.