My study app for children

വീട്ടിലെ ടീച്ചര്‍...മൈ സ്റ്റഡി പാര്‍ക്ക്...


കുട്ടികള്‍ കണക്കില്‍ മോശമാണോ? 'മൈ സ്റ്റഡി പാര്‍ക്ക് ' ആപ്പ് സഹായിക്കും


കണക്കിലെ കാര്യങ്ങള്‍ കണ്ടറിഞ്ഞ് പഠിക്കാന്‍ അവസരം ഒരുക്കുകയാണ് 'മൈ സ്റ്റഡി പാര്‍ക്ക്' എന്ന ആന്‍ഡ്രോയിഡ് ആപ്ലിക്കേഷന്‍. കോഴിക്കോട് കേന്ദ്രീകരിച്ച് പ്രവര്‍ത്തിക്കുന്ന ഇലകള്‍ പച്ച എന്ന സംഘടനയാണ് ഈ ആപ്ലിക്കേഷന്‍രൂപപ്പെടുത്തിയത്. സ്‌കൂള്‍ വിദ്യാര്‍ത്ഥികളെ ലക്ഷ്യമിട്ടാണ് ഈ ആപ്ലിക്കേഷന്‍ ഒരുക്കിയിരിക്കുന്നത്.കേരള സിലബസിലെ പാഠങ്ങളിലെ ആശയങ്ങളും അവയെ അടിസ്ഥാനപ്പെടുത്തിയുള്ള ചോദ്യങ്ങളും അവയുടെ വീഡിയോ പരിഹാരങ്ങളും അടങ്ങുന്നതാണ് ഈ ആപ്പ്. മലയാളത്തിലുള്ള ലളിതമായ വിവരണങ്ങളും ആപ്പില്‍ ഉള്‍ക്കൊള്ളിച്ചിട്ടുള്ളതിനാല്‍ മലയാളം മീഡിയം കുട്ടികള്‍ക്കും ആപ്പ് ഉപകരിക്കും.
വീട്ടിലിരുന്ന് ഒരു അധ്യാപകന്‍ പഠിപ്പിക്കുന്ന അനുഭവം കുട്ടികള്‍ക്ക് നല്‍കുക എന്നതാണ് ആപ്പിന്റെ ഉദ്ദേശം. ആപ്പ് ഗൂഗിള്‍ പ്ലേസ്റ്റോറില്‍ നിന്ന് ഡൗണ്‍ലോഡ് ചെയ്യാവുന്നതാണ്. ചില പാഠങ്ങള്‍ സൗജന്യമാണ്. പാഠങ്ങള്‍ ഒരിക്കല്‍ ഡൗണ്‍ലോഡ് ചെയ്ത് ഇന്റര്‍നെറ്റ് ഇല്ലാതെ ഓഫ്‌ലൈന്‍ ആയും ഉപയോഗിക്കാം.