Mitai project by government

കുട്ടികള്‍ക്കായി 'മിഠായി '


കുട്ടികളിലെ പ്രമേഹം, 'മിഠായി' പദ്ധതിയുമായി സര്‍ക്കാര്‍


കുട്ടികളിലെ പ്രമേഹം നേരത്തെ കണ്ടെത്തി ചികിത്സിക്കേണ്ടത് വളരെ അത്യാവശ്യമാണ്. ശ്രദ്ധിച്ചില്ലെങ്കില്‍ അല്‍പം അപകടവുമാണ്.മുതിര്‍ന്നവരില്‍ കാണുന്ന ടൈപ്പ് 2 പ്രമേഹത്തെക്കാളും സങ്കീര്‍ണമാണ് കുട്ടികളിലേത്. ചികിത്സാ ചെലവ് സാധാരണക്കാരുടെ കുടുംബബജറ്റിനെ താളം തെറ്റിക്കുകയും ചെയ്യും. ഇത് മുന്നില്‍ കണ്ടാണ് ആരോഗ്യ വകുപ്പ് മന്ത്രിയുടെ നിര്‍ദേശ പ്രകാരം സാമൂഹ്യ സുരക്ഷാ മിഷന്‍ മിഠായി പദ്ധതി ആവിഷ്കരിച്ചത്. ടൈപ്പ് 1 പ്രമേഹ രോഗം ബാധിച്ചവര്‍ക്ക് ഇന്‍സുലിന്‍ പെന്‍, കണ്ടിന്യൂസ് ഗ്ലൂക്കോസ് മോണിറ്റര്‍, ഇന്‍സുലിന്‍ പമ്പ് തുടങ്ങിയവ ഉപയോഗിച്ചുള്ള ആധുനിക ചികിത്സയും ആവശ്യമായ ആരോഗ്യ, ചികിത്സാ, ഭക്ഷണകാര്യ ഉപദേശങ്ങളും പരിരക്ഷയും നല്‍കുന്ന ഒരു സമഗ്ര പദ്ധതിയാണ് മിഠായി. കേരളത്തിലെ മുഴുവന്‍ ടൈപ്പ് 1 ഡയബറ്റീക് കുട്ടികളുടെയും സമ്പൂര്‍ണ വിവരങ്ങള്‍ ഓണ്‍ലൈന്‍ ആയി രേഖപ്പെടുത്താവുന്ന www.mittayi.org വെബ്‌സൈറ്റും ഇതിന്റെ ഭാഗയി പ്രവര്‍ത്തിക്കുന്നു.