Merkel pret kreret e Ballkanit

Afrimi i Ballkanit Perëndimor me Bashkimin Europian është në fokus të konferencës dy ditore që do të mbahen në Poznan të Polonisë, ku do marrin pjesë krerët e 6 vendeve të rajonit, mes të cilëve edhe Kryeministri shqiptar Edi Rama.

Përmes një videomesazhi para nisjes drejt Poznanit, kancelarja gjermane Angela Merkel, nismëtare e procesit të Berlinit, e konsideroi fazën ku ndodhet rrugëtimi i vendeve të Ballkanit Perëndimor drejt BE-së si të vështirë.

"Sot situata është paqësore. Megjithatë ka një numër të madh tensionesh për t?u tejkaluar. Ka po ashtu një numër të madh kushtesh për t?u përmbushur që të gjitha vendet e Ballkanit Perëndimor të jenë gati për të hyrë në Bashkimin Europian. Ka ende pengesa në këtë rrugë".

Në çelje të samitit, Komisioneri për Zgjerimin Johannes Hahn bëri thirrje për hapjen e negociatave për Shqipërinë dhe Maqedoninë e Veriut në tetor.

"Unë qëndroj pranë rekomandimit të Komisionit për të hapur negociatat e pranimit me Shqipërinë dhe Maqedoninë e Veriut dhe unë mbështetem në Këshillin e Tetorit për të ndjekur vlerësimin tonë pozitiv. Të dy vendet kanë dhënë reforma, veçanërisht në fushat e përmendura nga konkluzionet e Këshillit të qershorit 2018".

Kjo konferencë që pritet t?i shërbejë Komisionit të ri të Bashkimit Europian si ndihmë orientuese për politikat ndaj rajonit.

Tv Klan