Malincunie… Gennaro Sansone

Malincunie…
Gennaro Sansone
❣️❣️❣️
Areto a ‘sta fenesta ,
passa pe ‘nnante a ll'uocchie
‘sta vita, ca ‘int'a niente,
vola e nun torna cchiù…
‘Sta vita sempe ‘e corza,
tra dispiacere e affanne,
sempe cu pochi gioie,
ca ‘e vide e se ne vanno…
Addò se ne so' ghiute
tutte ‘sti suonne mieje ?
Addò se so' perdute,
senza putè vulà…
Songhe malincunie,
nascoste, senza luce,
so' lluce luce morte,
nun s'appicciano cchiù…
Comme ‘stu core triste,
senza forza e speranze,
ca nun tene cchiù ‘o canzo
‘e se puté scetà…
So' varchetelle ‘e carta,
ca miette dint' ‘o mare,
cu ll'onne s'alluntanano
e… nun ‘e vide cchiù…!
Musica
Appocundria
Brano
Pino Daniele
Appocundria