Komiteti, debat rreth Car Dushanit

Ashtu edhe siç pritej seanca e Komitetit për marrëdhënie ndëretnike e thirrur në temën 'Implementimi i të drejtës së participimit efektiv të bashkësive në jetën kulturore', u shndërrua në një arenë përplasjesh mes deputetëve shqiptarë të PDSH-së dhe BDI-së. Të parët kërkuan që rendi i ditës të plotësohet edhe me dy pika të tjera, njëra rreth marrëdhënieve ndëretnike pas vendosjes ë Car Dushanit dhe incidenteve mes nxënësve dhe e dyta për çështjen e përdorimit të gjuhës shqipe. Propozimi i PDSH-së u mbivotua nga anëtarëte tjerë ët komitetit, derisa vota kundër e anëtarëve të BDI-së, në mungesë të materialit për debat, nga PDSH la të kuptohet se kush e solli Car Dushanin.

"Situata vlon në çdo anë, nuk mund ta anashkalojmë ne sot vendosjen e përmendores së Car Dushanit pa mos e debatua. Nëse menduat se me cirkun që e organizuat ju vet personalisht kryetare e komitetit Ermira Mehmeti një natë para Car Dushanit keni kryer punë dhe i mashtruat shqytarët edhe njëherë gaboni shumë . car Dushani është aty, jo vetëm Car Dushani por edhe policia e Zemri Qamilit është aty e mbron Car Dushanin. Dhe nga ai cirk që atë natë doli në shesh, dhe nga ai cirk që sot e pamë, doli e vërteta Carin na e solli BDI-ja", deklaroi Bekim Fazliu, PDSH.

"Në masën më të madhe si shqiptarë ndjehemi të hidhëruar, ndjehemi ndoshta të pakonsultuar, shpeshherë ndjehemi të mbivotuar në raport me këtë proces. Por në esencë secili prej nesh e kupton këtë proces si proces dhe përpjekje për përcaktimin e trungut identitarë të bashkëqytetarëve tanë. A e arsyetojmë, jo tërësisht dhe jo gjithmonë. Sepse ne besojmë se një shoqëri bashkëkohore ën zhvillimin natyrorë të saj duhet të angazhohet për një dialog të mirëfilltë dhe efektiv ndërmjet kulturave. Ndarja dhe ushtrimi i të drejtave kulturore përgjatë linjave ideologjike, rrezikon shkaktimin fërkimeve ideologjike e rreziku nga fërkimet e këtilla është edhe real edhe serioz", tha Ermira Mehmeti, BDI

Fjalim i kryetares së Komiteti nuk ishte i mjaftueshëm që debati ti kthehet temës. Edhe Orhan Ibrahimi, gjatë fjalimit të tij u përqendrua tek Car Dushani dhe incidentet mes nxënësve. Ai madje ironizoi aksionin për rrënimin e përmendores. Sipas tij përmendorja nuk rrënohet me çekan, por me shtypjen e një butoni.

"Me një të shtypur të tastierës, butonit, ndalet vendosja e Car Dushanit dhe Carave tjerë. Nuk rregullohet kjo çështje me i marrë disa çekiç të vogël aty edhe ta rrënosh, film, dezhavu rasti i Kishës këtu në Kala. 20 sekonda në mënyrë shumë", u shpreh Orhan Ibrahimi, PDSH.

Ndryshe pas një kohe të gjatë sot u mblodh Komiteti, megjithatë puna e tij u përcoll me ndërprerje disa orësh për shkak të pauzës së kërkuar nga deputetët e PDSH-së. Bedri Rexhallari