johna Lee - ' Paano? '

Paano ko ba makakalimutan?
Ang sakit na aking nararamdaman,
Paano ko ba ibibigay ang pagpapatawad?
Kung alam ko'y hindi ka karapat-dapat?

Paano ko ba maibabalik?
Ang tiwala sayo at ang aking pag-ibig?
Paano ko ba haharapin ang lahat?
Kung ang pag-ibig mo lang ang alam ko saakin ay nararapat?

Paano ba kita kamumuhian ng tuluyan?
Kung sa piling mo nadarama ang tunay na kaligayahan?
Paano ba kita pagkakatiwalaang muli?
Kung puso kong ito ay balot na ng pighati?

Paano ba mawala ang pagmamahal na ito?
Takot ng maramdaman ang tawag ng pag-ibig mo?
Paano ba kita hahayaang mawala at lumayo?
Gayong batid ko, ikaw parin ang minamahal ko?

johna Lee

http://www.poemhunter.com/poem/paano-2/