"Java e shtigjeve" - News, Lajme - Vizion Plus

http://www.vizionplus.tv
https://facebook.com/VizionPlusTV
https://twitter.com/VizionPlusTV
Në javën ndërkombëtare të shtigjeve në natyrë një grup alpinistesh profesionist kanë marrë një nismë interesante, duke pajisur me sinjalistikë 2 nga shtigjet kryesore të Malit Dajt, shtegun tradicional të Gurores dhe Linzës. E gjitha kjo nismë është ideuar për t'i rikujtuar qytetarëve të Tiranës nostalgjinë e dikurshme të shëtitjeve në këmbë në Malin e Dajtit, për të dhëne një mesazh edhe tek brezi i ri që ta duan malin e natyrën. Xhim Begeja i cili shfaqet i palodhur kur vjen puna për të mirën e komunitetit shprehet optimist. Puna ka filluar për pastrimin e shtigjeve malor, shënjimin e tyre me viza të kuqe e të bardha sipas standardeve evropiane, pajisjes me tabela informuese e orientuese më shumë se 2 muaj më parë. Gjithçka është bërë me material të riciklueshëm. Rruga që përshkojmë është sa e bukur, aq edhe e vështirë. Megjithatë hasim gjatë rrugës rrallë ndonjë person që shikon i çuditur se për çfarë shërbejnë këto tabela. Këto djem që kanë pasion alpinizmit dhe sfidën e majave, kanë kontribuar me ndihmën e tyre në çdo tabelë të ngritur, në çdo shenje të vijëzuar, të palodhur për të arritur qellimin final. Duket sikur ky pasion nuk njeh dallim moshe e shkollimi. Të gjithë janë aty, që me punën e tyre për pajisjen e shtigjeve malor, t'i vijnë në ndihme qindra personave të tjerë. Kjo nismë do të shtrihet në të gjithë malin e Dajtit në të ardhmen, që si turistet vendas, por edhe të huaj mos të hasin vështirësi gjatë rrugëtimit të tyre për të vizituar këtë bukuri natyrore.