Jaisalmer-experience the desert

ജയ്സാല്‍മീര്‍ എന്ന സ്വര്‍ണ നഗരം

മരുഭൂമിയിലൂടെ മറക്കാനാവാത്ത ഒരു യാത്ര

പച്ചപ്പിനു മാത്രമല്ല മരുഭൂമിക്കുമുണ്ട് മനം മയക്കുന്ന സൗന്ദര്യം.പകലിന്റെ ചൂടും രാത്രിയുടെ കൊടും തണുപ്പും അറിഞ്ഞു ജയ്സാല്‍മീറിലൂടെ ഒരു യാത്രപോകാം.താര്‍ മരുഭൂമിയുടെ ഹൃദയമാണ് ജയ്സാല്‍മീര്‍. യുനെസ്കോയുടെ പൈതൃക പട്ടികയിലിടം നേടിയ സ്വര്‍ണ നഗരമാണ് ജയ്സാല്‍മീര്‍.ഇവിടുത്തെ ഒട്ടക സവാരിയാണ്‌ ഏറ്റവും വിശേഷപ്പെട്ടത്.മണല്‍തരികള്‍ പണിതുയര്‍ത്തിയ കുന്നുകളും കുഴികളും താണ്ടി കുലുങ്ങി കുലുങ്ങിയൊരു യാത്ര.ഒട്ടക സവാരി കേവലമൊരു സഞ്ചാരമെന്നതിലുപരി ഇവിടുത്തെ സംസ്കാരത്തിന്റെയും ജീവിതത്തിന്റെയും നേര്‍കാഴ്ച കൂടിയാണ്.നിറങ്ങളുടെ വൈവിധ്യ കാഴ്ചകളാണ് ജയ് സാല്‍മീര്‍ നമുക്ക് വേണ്ടിയോരുക്കുന്നത്.സ്വര്‍ണ മണല്‍ തരികളും നീലാകാശവും മഴവില്‍ അഴക്‌ വിരിക്കുന്ന വസ്ത്രങ്ങളണിഞ്ഞ ഗ്രാമീണരും കണ്ണുകള്‍ക്ക് പുതിയൊരു അനുഭവമാണ് നല്‍കുന്നത്.സൂര്യനസ്തമിച്ചു കഴിഞ്ഞാല്‍ പിന്നെ സല്‍ക്കാരത്തിന്റെ പുതിയൊരു തലമാണ് കാണാന്‍ കഴിയുക.കാംപ് ഫയറും ഒപ്പം സഞ്ചാരികളെ ഹരം കൊള്ളിക്കാന്‍ ഗ്രാമീണരുടെ വക തനതു കലാരൂപമായ ലംബടയുടെ അവതരണവും ഉണ്ടാവും