Inspektorati kontrollon kushtet në miniera

Ministri i ekonomisë Valon Saraçini kërkon nga koncesionerët që të respektojnë të drejtat e punëtorëve dhe të rrisin masat për siguri të tyre sepse në të kundërtën, do të përballen me gjoba deri në 60 mijë euro. Kjo në veçanti vlen për punën në ministria ku punëtorët përballen me rreziqe për jetën.
"Një prej aktiviteteve kryesore në vitin 2014 do të jetë inspektimi i të gjitha minierave në RM. Kohëve të fundit kemi ankesa të shumta nga minatorët se punojnë në kushte të mjerueshme, kushte shumë të dobëta, kushte jo evropiane, dhe prandaj ne si ministri e Ekonomisë në bashkëpunim me inspektoratin teknik dhe inspektoratin e punës kemi ndërmarrë një sërë aktivitetesh për të kontrolluar këto miniera", deklaroi Valon Saraçini, ministër i Ekonomisë.

Saraçini të njëjtën gjë e tha edhe para 4 muajve, në ditën ndërkombëtare të minatorëve por menjëherë më pas një minatorë 27 vjeçarë humbi jetën në minierën Sasa të Makedonska Kamenicës.

"Dua të apeloj deri tek të gjithë investitorët e tashëm por edhe të ardhshëm në sektorin e minierave që përveç që duhet të respektohet ligji i lëndës së parë të mineraleve ku në mënyrë decide janë të definuara kushtet që duhet të ndërmarrën për mbrojtjen e minatorëve dhe për përmirësimin e kushteve të punës së tyre, unë do të dua të apeloj që të shkojnë edhe një hap më para dhe të bëjnë investime edhe më të mëdha në drejtim të mbrojtjes së të drejtave mirëpo edhe kushteve të punëtorëve apo minatorëve", u shpreh Valon Saraçini, ministër i Ekonomisë.

Edhe pse në hyrje të minierave qëndron mbishkrimi "Më fat", ky fat nuk i përcolli dhjetëra persona që humbën jetën gjatë 4 viteve të fundit. Nga viti 2009, e deri më tani, vetëm në minierën e Sasës jetën kanë humbur8 minatorë ndërsa viktima janë regjistruar edhe në minierat e Zletovës dheToranicës. Ferikan Iljazi