Goodenough Sakhile Dlamini - Okomdabu

Bantu bomdabu, okomdabu kuyadabukisa
Sebekhohliw’ okomdabu
Awubabheke bayadabukisa.

Okomdabu
Makungasali sekuba ngumdabu
Ngumdali wadala
Wahlukanisa ngenhloso
Sahlanganisa ngezeth’ inhloso!
Sayimbumba bheka simunye
Sekuwu mandulo sibuyisel’ okwamandulo
Silibale kancane okwabo
Sivathe ngeze siko lethu
Uncwaba usudlulile
Phela lo ngu Mandulo...

Bantu bomdabu, okomdabu kuyadabukisa
Sebekhohliw’ okomdabu
Awubabheke bayadabukisa.

Buph’ ubuntu bantu
Nasala seningabant’ abangenabuntu
Ziph’ impumlo zophando
Ziph’ izandla zothando
Ziph’ izilo zonyango
Ezithi ndiliyilo
Zindenz’ iciko
Ndibuyel’ eziko ndicikoze
Ndimamel’ imzekeliso
Ndifund’ isiko
Masibuyelen’ emuva
Ngyabona syabhubha
Elabo lelisiko, liph’ elethuna?
Chini bethuna
Sazimbela thina lelithuna
Nali selifa ngabe yithina?

Bantu bomdabu, okomdabu kuyadabukisa
Sebekhohliw’ okomdabu
Awubabheke bayadabukisa.

Mhlaziyi sebehlukile nabahlaziyi
Bafundil’ abafundisekile
Ndodana buza kuyihlo
Ndodakazi buza kunyoko
Baniyalel’ indlela
Masibuy’ isizwe
Isiko akuyon’ ifashion
Keph’ ubuthina
Um’ ushiy’ ubuwena
Uba ngomuny’ umuntu
Ubushiya noban’ ubuwena
Ngoba buyohlezi budinga wena
Ukuze kube uwena hayi yena..
Yen’ unobuyena, akadingi wena
Yek’ ukub’ uyena, ib’ uwena

Bantu bomdabu, okomdabu kuyadabukisa
Sebekhohliw’ okomdabu
Awubabheke bayadabukisa.

Goodenough Sakhile Dlamini

http://www.poemhunter.com/poem/okomdabu/