good thoughts for health

പോസിറ്റീവായിരിക്കാം നല്ല ചിന്തകള്‍ വഴി

ആധിയകറ്റാം ആരോഗ്യത്തോടെയിരിക്കാം

ആധുനിക മനുഷ്യനെ ഏറ്റവുമധികം വേട്ടയാടുന്നത് അവന്റെ ആധികളാണ്.നെഗറ്റീവ് ചിന്തകള്‍ ആരോഗ്യത്തെയും ബാധിക്കുമെന്ന്‍ അറിയാമെങ്കിലും നാം ഇപ്പോഴും ആധികളുടെ പിടിയിലാണ്.നമ്മുടെ മനസ്സിലൂടെ കടന്നു പോകുന്ന ചിന്തകള്‍ ശരീരത്തില്‍ ഊര്‍ജ തരംഗങ്ങള്‍ ഉണ്ടാക്കാന്‍ വരെ പ്രാപ്തിയുള്ളവയാണ്.മാനസിക സമ്മര്‍ദം കൂട്ടി കഠിനമായ വിഷാദ രോഗങ്ങളിലേക്ക് തള്ളി വിടാനും അനാവശ്യ ചിന്തകള്‍ക്ക് കഴിയും.നമ്മുടെ ശരീരത്തിലെ ഓരോ കോശത്തെയും ചിന്തകള്‍ സ്വാധീനിക്കുന്നുണ്ടെന്നാണ് പഠനങ്ങള്‍ പറയുന്നത്.നെഗറ്റീവ് ചിന്തകള്‍ മൂലം ശരീരത്തില്‍ ഉത്പാദിപ്പിക്കപ്പെടുന്ന ഹോര്‍മോണുകള്‍ ദിവസങ്ങള്‍ നീണ്ടു നില്‍ക്കുന്ന ഉറക്കമില്ലാത്ത രാത്രികളും വിഷാദവുമാവും നമുക്ക് സമ്മാനിക്കുക.നല്ല ചിന്തകളെ ബോധപൂര്‍വം നാം ഉദ്ധീപിപ്പിക്കുകയാണെങ്കില്‍ ഡോപാമിന്‍,സെറാടോണിന്‍ തുടങ്ങിയ ന്യുറോ ട്രാന്‍സ്മിറ്ററുകളെയും എന്‍ഡോജെനസ് ഒപ്പിയാട്സ് തുടങ്ങിയ ഹാപ്പി കെമിക്കല്‍സിനെയും വരെ സൃഷ്ടിക്കാന്‍ നമ്മുടെ മനസിന്‌ സാധിക്കും.ചുരുക്കത്തില്‍ പറഞ്ഞാല്‍ നമ്മുടെ ചിന്തകള്‍ക്കനുസരിച്ചാവും നമ്മുടെ പെരുമാറ്റവും രൂപപ്പെടുക.നല്ല ചിന്തകളെ ഇപ്പോഴും ഒപ്പം കൂറ്റന്‍ ശ്രമിക്കുക. ആരോഗ്യത്തിനും സൗന്ദര്യത്തിനും അത് തന്നെയാവും ഉത്തമം