Gjermania abandonon Shqiperine

Ashpërsimi i situatës politike në Shqipëri pas miratimit të ndryshimeve kushtetuese nga deputetët e kryeministrit Rama dhe ata të Myslim Murrizit ka sjellë hezitimin e disa shteteve evropiane për hapjen zyrtare të negociatave me Tiranën. Konfirmimi vjen nga ministri i Jashtëm gjerman Heiko Maas nga Brukseli përpara eurodeputetëve.

?Ne do të donim që të zhvillonim konferencën e parë ndërqeveritare me Shqipërinë në muajt e parë të Presidencës gjermane, por aktualisht ka ende hezitim kur vjen fjala për Shqipërinë. Ky është mesazhi që ne po marrin edhe nga shtete të tjera anëtare. Tashme është e qartë, edhe nëse ne nuk do mund të avancojmë me Shqipërinë, ne do të fillojmë negociatat me Maqedoninë e Veriut. Sigurisht që ne do të donim të bënim të njëjtën gjë për Shqipërinë. Ne nuk e dimë se kur mund të jetë e mundur?, tha ministri i Jashtëm Heiko Maas.

Në kushtet kur po ndodh ndëshkimi i Tiranës me mos hapje të negociatave dhe ku drejt kësaj rruge po ecën i vetëm Shkupi, për heqjen dorë nga ndryshimet kushtetuese bëri thirrje nga Vlora edhe ambasadori Soreca.

?Ne kemi parë që janë bërë disa propozime shtesë, të ashtuquajturat ndryshimet kushtetuese për sistemin zgjedhor. Këto nuk janë pjesë të rekomandimeve të OSBE-ODHIR-it dhe komisionit të Venecias. Ne inkurajojmë të gjithë palët e përfshira që të vazhdojnë diskutimet, dialogun, me të njëjtën frymë bashkëpunuese dhe me të njëjtin mekanizëm gjithëpërfshirës që u tregua gjatë miratimit të marrëveshjes së datës 5 qershor për reformën zgjedhore. Reforma zgjedhore është kusht kyç për hyrjen në BE, kusht pa të cilin Shqipëria nuk mund të fillojë konferencën e parë ndërqeveritare me BE-në?, tha Soreca.

Klan Plus



SUBSCRIBE to "RTV KLAN" on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund ti ndiqni edhe në faqen https://tvklan.al/programe/