Fazliu akuzon, Talati paditë

Kanë vazhduar sulmet e PDSH-së në adresë të ministrit të Mbrojtjes Talat Xhaferi. Akuzat e sotme kishin të bënin me angazhimin si këshilltar të Vllado Popovskit, ish profesor në fakultetin juridik. Për PDSH-në, është i pakuptimtë angazhimi i Popovskit i cili është edhe gjithashtu këshilltar i VMRO-së në Qytetin e Shkupit.

"Kur Gruevski numëron projektet e realizuara te maqedonasit, vallë si ndjeheni ju që një gurë se lëvizët prej vendi për shqiptarët për 6 vite në qeveri? Por sigurisht që për të mos ngel ndonjë maqedonas pa të ardhura është përkujdes Talati, duke e paguar nga 500 euro këshilltarin e Gruevskit dhe të qytetit të Shkupit, Vllado Popovski. Pyesim publikisht Talatin: përveç dëmit dhe realizimit të projektit "Shkupi 2014", cilët shërbime tjera antishqiptare ia paguani Vlado Popovskit?", deklaroi Bekim Fazliu, PDSH.

BDI-ja nga ana tjetër vlerëson se PDSH-ja po artikulon pakënaqësinë e partive maqedonase, nga fakti që Ushtria e Maqedonisë udhëhiqet nga një ish komandant UÇK-je.

"PDSH-ja me akuzat e saj qesharake vetëm po dëshmojnë edhe më shumë se po bëjnë avokatinë e disa qendrave politike në vend të cilët janë shqetësuar tej mase që në krye të ushtrisë së Maqedonisë janë luftëtarët e lirisë. Është hipokrizi pasi këto akuza vijnë nga partia e cila i jepte plaketa për merita të dënuarit për krime ndaj civilëve shqiptar gjatë vitit 2001 Ljube Boshkovskit , partia e cila kërkonte nga shteti që të vepron kundër luftëtarëve të lirisë dhe shprehte kënaqësi për aksionet e kryera", thuhet në komunikatën e BDI-së.
Ndërkohë ministri i Mbrojtjes Talat Xhaferi dorëzoi sot padinë në Gjykatë kundër anëtarit të kryesisë së PDSH-së Bekim Fazliu, për shpifje.

"Unë mund të kuptoj që PDSH-ja ka problemet e saja në funksionimin e saj të brendshëm dhe problemet e Degës së saj në Strugë nëse ka menduar se duhet ti mbulojë me shpifjet që bën ndaj meje mendoj se e ka krejtësisht gabim. Ata le të pastrojnë oborrin e tyre paraprakisht, ndërsa procesi gjyqësor dhe organet gjyqësore do të verifikojnë në instancë të fundit se kush ishte në të drejtë", u shpreh Talat Xhaferi, Ministër i Mbrojtjes.
Ndërkohë edhe sot, BDI-ja nuk ka marrë përgjigje prej PDSH-së për temën e bisedimeve mes liderit të tyre Menduh Thaçi dhe Drejtorit për Siguri dhe Kundërzbulim Sasho Mijallkov në restorantin "Sushiko" në Shkup. Benjamin Arifi