Eqerem Cabej perjetesohet ne bronz

Jashtë rrethimit të Kuvendit të Shqipërisë, në shtegun që të çon në Akademinë e Shkencave, zuri vend busti i Eqerem Çabejit.

Është vepër e Hektor Dules, skulptori që e njohu nga afër gjuhëtarin. Për të hedhur në bronz njeriun e mençur, që dijen ia kushtoi Gjuhës Shqipe, artisti kaloi në një proces të gjatë analize mbi atë që përfaqëson Eqerem Çabej në shkencat albanologjike.

"Ka qenë mbresa e një momenti kur unë flisja dhe ai dëgjonte me dorën kështu (të vendosur në mjekër), tregon skulptori Dule.

Në zbulimin e bustit ishte edhe Kryeministri Edi Rama.

"I fal edhe këtij parku një copë ndjesie çabejane, pa qenë ngacmues për të gjithë të tjerët rreth e rrotull".

Si artist, vlerësoi veprën duke e krahasuar mjeshtërinë e Hektor Dules me atë të Odhise Paskalit.

"E rendit në 5 gishtat e dorës mjeshtërore të skulpturës shqiptare".

Për vitin e ?Skënderbeut?, Kryeministri i kërkoi vajzës së gjuhëtarit, Brikena Çabejit, një nder.

"Publikimit të një thesari kombëtar, tezës së doktoraturës së Eqerem Çabejt, kushtuar  arbëreshëve në Siçili"