Easy Money

Dear Chixie,
Maayong hapon nimo ug sa tanang viewers sa imong programa sa SunStar ug Superbalita. Please hide my identity and call me Maureen. Kining akong sitwasyon karon kabahin sa akong bana nga itago nalang nato sa pangalan nga Rey.
Nagkaila mi sa akong bana kay kauban mi sa trabahuan sauna. Katabang ko ug siya driver. Parehas mi nga working student. Nihawa mi sa among trabahuan human nga nakatigom ug naka-decide nga mag-ipon. Akong gitiwas ang akong pag-eskwela sa high school ug vocational course, samtang si Rey nag delivery rider. Maayo nga tao si Rey, Chixie. Kugihan ug komedyante pa gyud. Nakatigom mi Chixie ug nagtukod og gamay'ng tindahan. Sa among pag-ipon Chixie, namabdos ko. Nalipay ko kay gidawat ra dayon ni Rey ang good news ug nisaad nga doblehon ang among kakugi. Apan dili ikalimod nga medyo naglisod mi gamay kay gi advisan ko sa doctor nga mag bed rest usa tungod kay sensitibo akong pag mabdos. Tungod niini, miingon si Rey nga sirad-an lang usa among tindahan ug siya na ang bahala nga mag andam para sa akong pag panganak. Usa ka adlaw niana, aduna koy namatikdan sa kang Rey.
Dili naman siya mobyahe. Nagtambay nalang sa balay ug nagsige og tuplok sa cellphone. Nakamatikod pud ko nga nakuhaan among ipon alang sa akong pag panganak.
#DearChixie