‘E NOTTE Piero Catalano ❣️❣️

‘E NOTTE
Piero Catalano
❣️❣️
'E notte, 'o vico dorme...
e tànno i' trovo pace,
scetàto, a guardà 'a luna,
ma ncumpagnìa cu tte!
Pìglio 'o silenzio mbràccio,
l'astrégno cchiù 'e nu figlio
e 'o cunnuléo, ‘int'o’ scuro,
pe nunn''o fa' scetà!
Còmme vurrìa ca 'o juòrno,
che ssàccio, scumparésse,
e ogne nuttata, invece,
fosse n'eternità!
Sultanto 'e notte i' sento,
dint''a 'sta pace 'e Ddio,
ca 'o còre tuojo c''o mio,
'nziéme, stanno a vulà!
Musica
Love Story
Brano
Sal Da Vinci
Tu Stella mia