Durim 1 130314 1

Kryetari i Komunës së Strugës Ziadin Sela doli sot edhe një herë në mbështetje të degës së PDSH-së në këtë qytet e cila i bëri thirrje Kuvendit Qendror të partisë të tërheqë listën e propozuar dhe të nisë konsultat me degën e Strugës. Kreu i Komunës nga radhët e PDSH-së Sela tha sot se do të respektojë çdo vendim që ka sjellë dega e PDSH-së ne Strugë.

'Sela është anëtar i Partisë Demokratike Shqiptare,është fillimisht anëtar dhe anëtarësinë e tij e ka paguar në nëndegën e tij në Livadhi, pastaj është kuvendar i kuvendit të degës së PDSH-së së Strugës dhe prej këtu nis pastaj dhe është anëtar i kryesisë qendrore dhe për rezultat zoti Sela qëndron pas çdo deklarate dhe pas çdo vendimi që ka sjellë dega e Strugës dhe aktivistët e saji', tha Ziadin Sela, kryetar i Komunës së Strugës.

Sela tha se takimi i një dite më parë në ambasadën Amerikane ishte në vazhdën e takimeve të rregullta që ai ka në ambasadë.

'Nuk është mirë që ti shfrytëzoni këto takime për nevojat politike. Unë kam pas takime me ambasadën e Amerikës edhe më herët ,nuk është ndonjë fillim, është në vazhdën e takimeve të rregullta që i ka çdo Kryetar Komune besoj dhe pjesëtar i politikës. Takimet me ambasador çdo herë kanë të bëjnë me situata politike,por më pak kishte të bëj më këtë', deklaroi Ziadin Sela, kryetar i Komunës së Strugës.

Pas verifikimit të listave të bartësve të PDSH-së për zgjedhjet parlamentare dega e PDSH-së në Strugë kontestoi listën e njësisë së pestë zgjedhore me arsyetimin se bartësi i listës dhe kandidatët tjerë nuk janë zgjedhur nga Kuvendi i degës së Strugës, por nga Kuvendi qendror i partisë duke shkelur kështu procedurat e zgjedhjes së kandidatëve. Përkundër qëndrimit të palëkundur të Selës dhe degës së PDSH-së për listën e deputetëve, kryetari i PDSH-së Menduh Thaçi ditë më parë tha se lista është përfundimtare. Durim Etemi