Ducati hero parnership tie up

ഹീറോയുമായി സഹകരിക്കാനൊരുങ്ങി ഡ്യുക്കാട്ടി

ഹീറോയുമായി സഹകരിച്ച് കുറഞ്ഞ ശേഷിയുള്ള പ്രീമിയം ബൈക്കുകളെ അണനിരത്താനുള്ള തയ്യാറെടുപ്പില്‍ ഡ്യുക്കാട്ടി

ഇന്ത്യന്‍ നിര്‍മ്മാതാക്കളായ ഹീറോ മോട്ടോകോര്‍പ്പുമായി സഹകരിച്ച് കുറഞ്ഞ ശേഷിയുള്ള പ്രീമിയം ബൈക്കുകളെ അണനിരത്താനുള്ള തയ്യാറെടുപ്പില്‍ ഡ്യുക്കാട്ടി .
ഇന്ത്യയിലെ മുന്‍നിര ബൈക്ക് കമ്പനികളെല്ലാം രാജ്യാന്തര നിര്‍മ്മാതാക്കളുമായി കൂട്ടുകൂടിയ സാഹചര്യത്തില്‍ ഹീറോയെ ഡ്യുക്കാട്ടി തെരഞ്ഞെടുക്കുന്നത്. ബജറ്റ് വിലയില്‍ ബൈക്കുകള്‍ നിര്‍മ്മിക്കാനുള്ള ഹീറോയുടെ വൈഭവം തങ്ങള്‍ക്ക് മുതല്‍ക്കൂട്ടാവുമെന്ന് ഡ്യുക്കാട്ടി കരുതുന്നു. ഇന്ത്യയില്‍ ബിഎംഡബ്ല്യു - ടിവിഎസ് പങ്കാളിത്തം മാതൃകയാക്കിയാകും ഡ്യുക്കാട്ടിയും ഹീറോയും കൈകോര്‍ക്കുക.
പ്രാരംഭ സ്‌പോര്‍ട്‌സ് ബൈക്കുകളുടെ എഞ്ചിനീയറിംഗ്, പവര്‍ട്രെയിന്‍ രൂപകല്‍പന, ഷാസി, മറ്റു നിര്‍ണായക ഘടകങ്ങളുടെയെല്ലാം ചുമതല ഡ്യുക്കാട്ടിയ്ക്കായിരിക്കും.
എന്നാല്‍ ഇന്ത്യയില്‍ ഇതേ ബൈക്കുകളെ ഡ്യുക്കാട്ടിയ്ക്ക് വേണ്ടി ഹീറോ നിര്‍മ്മിക്കും.
ഹീറോയുടെ വിപണന ശൃഖല ചെറു ഡ്യൂക്കാട്ടി ബൈക്കുകള്‍ക്ക് പ്രചാരം നേടിക്കൊടുക്കുമെന്നു ഇരു കമ്പനികളും പ്രതീക്ഷിക്കുന്നു. ജയ്പൂരില്‍ സ്ഥിതി ചെയ്യുന്ന സെന്റര്‍ ഫോര്‍ ഇന്നോവേഷന്‍ ആന്‍ഡ് ടെക്‌നോളജി കേന്ദ്രമായിരിക്കും ഡ്യുക്കാട്ടി ബൈക്കുകളുടെ അടിത്തറ ഉപയോഗിച്ച് പ്രീമിയം ഹീറോ ബൈക്കുകള്‍ക്ക് രൂപംകൊടുക്കുക. നിലവില്‍ 300 സിസി ഒറ്റ സിലിണ്ടര്‍ എഞ്ചിനെ വികസിപ്പിക്കുന്ന തിരക്കിലാണ് ഡ്യുക്കാട്ടി. സ്‌ക്രാമ്പ്‌ളര്‍, മിനി മള്‍ട്ടിസ്ട്രാഡ മോഡലുകളായിരിക്കും ഹീറോയുമായുള്ള കൂട്ടുകെട്ടില്‍ ഡ്യുക്കാട്ടി ആദ്യം പുറത്തിറക്കുക.