Donald bradsman google doodle

ക്രിക്കറ്റ് ഇതിഹാസം ഡൊണാൾഡ് ബ്രാഡ്മാന് ആദരവുമായി ഗൂഗിള്‍



1928 ൽ ബ്രിസ്‌ബേനിൽ ഇംഗ്ലണ്ടിനെതിരെ ആയിരുന്നു ബ്രാഡ്മാന്റെ അരങ്ങേറ്റം.



ക്രിക്കറ്റ് ഇതിഹാസം ഡൊണാൾഡ് ബ്രാഡ്മാന്റെ നൂറ്റിപ്പത്താം ജന്മവാർഷികത്തിൽ ആദരവ് പ്രകടിപ്പിച്ച് ഗൂഗിൾ ഡൂഡിൽ .ലോകത്തിലെ ഏറ്റവും മികച്ച ബാറ്റ്സ്മാൻ എന്ന് വിലയിരുത്തപ്പെടുന്ന ഓസ്‌ട്രേലിയൻ താരത്തിന്റെ റെക്കോഡുകൾ എന്നും വിസ്മയിപ്പിക്കുന്നതായിരുന്നു. 99 .94 എന്ന റെക്കോർഡ് ബാറ്റിംഗ് ശരാശരി കൊണ്ട് ക്രിക്കറ്റ് ലോകത്തെ ഞെട്ടിച്ച സാക്ഷാൽ ബ്രാഡ്മാന് ആദരം അർപ്പിച്ചാണ് ഇന്ന് ഗൂഗിൾ ഡൂഡിൽ തയ്യാറാക്കിയിരിക്കുന്നത്.1908 ഓഗസ്റ്റ് 27 നു ന്യൂ സൗത്ത് വെയിൽസിലെ കാട്ടാമുൻഡ്രയിലാണ് ബ്രാഡ്മാന്റെ ജനനം. 1928 ൽ ബ്രിസ്‌ബേനിൽ ഇംഗ്ലണ്ടിനെതിരെ ആയിരുന്നു ബ്രാഡ്മാന്റെ അരങ്ങേറ്റം. 20 വർഷങ്ങൾക്ക് ശേഷം 1948 ഓഗസ്റ്റ് 18 നു ഇംഗ്ലണ്ടിനെതിരായ മത്സരത്തിന് ശേഷം അദ്ദേഹം അന്താരാഷ്ട്ര ക്രിക്കറ്റിൽ നിന്നും വിരമിച്ചു. 52 ടെസ്റ്റുകളിൽ നിന്നായി 6996 റൺസാണ് ബ്രാഡ്മാൻ നേടിയത്. 80 ഇന്നിങ്‌സുകളിൽ നിന്നായി 29 സെഞ്ചുറികളും നേടിയിരുന്നു.