Do Do Daidi

Do Do Daidi
Allah hai dô dô da idi
Boh gadông bi boh kayèe uteun
Rayek sinyak hana peu ma bri
‘Ayéb ngön keuji ureueng dônya kheun
Allah hai dô dô da idang
Seulayang blang ka putôh taloe
Beurijang rayek muda seudang
Tajak bantu prang tabila nanggroe
Wahé aneuek bek taduek lé
Beudöh saré tabila bansa
Bèk tatakot keu darah ilé
Adak pih maté poma ka rèla
Jak lôn tatèh, meujak lon tatèh
Beudoh hai aneuek tajak u Acèh
Meubèe bak ôn ka meubèe timphan
Meubèe badan bak sinyak Acèh
Allah hai Po Ilahon hak
Gampông jarak h’an trôh lôn woe
Adak na bulèe ulon teureubang
Mangat rijang trôk u nanggroe
Allah hai jak lôn timang preuek
Sayang riyeuk disipreuek panté
‘Oh rayek sinyak nyang puteh meupreuek
Töh sinaleuek gata boh haté

( Biasanya digunakan masyarakat aceh untuk menidurkan bayi dengan menyanyikannya yang pengertiannya yang berharap anaknya cepat besar supaya kelak bisa mempertahankan bangsa dan daerah aceh - Usually used by Acehnese people to put babies to sleep by singing it, which means that they hope their children grow up quickly so that later they can defend the nation and region of Aceh ).