Dili Lalim

Dear Chixie,
Maayong adlaw. Tawga lang ko og Lester, 31 years old. I have a girlfriend nga si Ella. Three years nami sa akong gf ug kaslunon na. Sa among barkada Chixie, kami nalang ni Ella ang wala pa maminyo maong dili gyud malikayan nga pangutan-on mi pirmi og kanus-a mi magpakasal ni Ella.
Sa tinuod lang, wala ko na-pressure. Apan akong nahibaw-an gikan sa among barkada nga ganahan na diay mo-settle down ang akong gf. Ako pud na-realize Chixie nga basin time napud nga magpakasal mi kay love man nako siya ug maayo man ang dagan sa among relasyon.
Nag-propose ko kang Ella and she said yes. Wala madugay, nagsugod nami og plano sa among kasal. Makita gyud nako nga excited kaayo si Ella sa among umaabot nga kasal. Usa ka adlaw niana, nagka-istorya mi ni Ella kabahin sa among wedding preparation. Diha pa ni-sink in Chixie nga kaslunon nagyud diay mi. Gipangutana ko sa akong gf og unsay gusto nako nga motif ug venue sa among kasal apan ako ra sya giingnan nga siya ray bahala kon unsa ang iyang gusto. Naka-feel ko nga nalain si Ella nako kay dili ko hands-on sa among wedding preparations.
Sa tinuod lang Chixie, wala ko ma-excite sa among kasal. Love nako ang akong gf apan nakarealize ko nga dili pa diay ko ready mag-minyo.
Unsa ang akong angay nga buhaton?
Lester