Debat për gjendjen e diskriminimit fetar

Ndonëse në Maqedoni deri më tani nuk është konstatuar diskriminimi mbi baza fetare, kompetentët pranuan shtatë denoncime për shkeljen e kësaj të drejte të njeriut. Sipas kreut të Qendrës maqedonase për bashkëpunim ndërkombëtarë, kjo është tregues se njerëzit konsiderojnë se megjithatë ekziston diskriminimi fetar.

"Fakti që janë bërë shtatë denoncime do të thotë se është forcuar të paktën vetëdija për ekzistimin e Komisionit, por edhe që njerëzit konsiderojnë se ka diskriminim mbi këtë bazë", tha Aleksandar Krzhalovski, kryetarë i QMBN.

Nga Komisioni thonë se në procedurë e sipër janë dy nga rastet e denoncuara.

"Në disa raste ka mosmarrëveshje të ndërsjella. Për shembull, përkatësia nacionale ose etnike, por në dy rastet që janë procesuar, për njërin është ngritur procedurë kurse për tjetrin jo, për shkak se kompetencat ligjore nuk e lejojnë këtë, përkatësisht njeriu ndërmori procedurën gjyqësore kurse në pajtim me kompetencat ligjore të Komisionit, atëherë nuk mund të veprojmë", deklaroi Irena Mitevska, anëtare e Komisionit për mbrojtje nga diskriminimi.

Profesori Bekim Kadriu shpjegoi se çfarë forme të diskriminimit ekziston në vend.

"Ekziston ndjenja se në Maqedoni më rrallë paraqitet diskriminimi direkt për shkak të përkatësisë së religjionit të caktuar ose mos- përkatësisë, por më tepër paraqitet forma e diskriminimit indirekt, në mënyrën kur rregulla iu duket neutrale, trajtimi iu duket neutral mirëpo ka efekt ndaj pjesëtarëve të grupit të caktuar", tha Bekim Kadriu, profesor.

Sipas të dhënave të Qendrës maqedonase për bashkëpunim ndërkombëtarë diskriminimi në raport me përkatësinë fetare është shumë prapa diskriminimit në raport me përkatësinë partiake dhe etnike, që janë dominuese. Petar Bllazhevski