Debat 30 Mars 2012 - Vizion Plus - Talk Show

Për here te pare kreu i Aleancës Kuq e Zi, Kreshnik Spahiu iu është përgjigjur akuzave për financim te partisë se tij nga Turqia. Përballë një paneli gazetaresh ne emisionin "Debat", Spahiu, duke iu referuar revistës "Mapo", ka deklaruar se shkrimi është i pavërtetë, pasi vizita e tij ne Uashington është mbështetur nga ambasada amerikane dhe jo nga Turqia. Spahiu ndërkaq ka lëshuar akuza te forta ndaj kryeministrit Sali Berisha, duke deklaruar se këshilltarë te tij dhe figura te PD kane lidhje me fondacione qe kane sponsorizuar Al Kaeden. Duke folur për partine qe drejton dhe synimet për zgjedhjet e ardhshme, Spahiu ka deklaruar se deri tani partia ka te regjistruar 145 mije anëtarë. Spahiu ka folur edhe për raportin e Komisionit Hetimor, i cili, sipas tij, nuk provoi asnjë prej shkeljeve për te cilat maxhoranca e kishte akuzuar publikisht kur mbante postin e nënkryetarit te KLD.