Dear Chixie: Karma

Dear Chixie,

Good day, Please ko hide sa akong identity. Call me Shang, not my real name. I'm 26 years old and from Lapu-Lapu City.

Gusto lang nako e-share akong story ug unta mapost para sad mahatagan ko og advice. Bisexual diay ko and naa koy karelasyon kaniadto for 2 years.

Nakigbuwag ko niya Chixie kay naa koy nakaila lain. Kumbaga, nainlove ko sa lain sa wa damha. Two months nami nga nagsige og kuyog sa akong current nga hinigugma. But, walay kami. For 2 months na nga walay label among relationship.

Pero gibuhat namo ang mga butang nga buhaton sa manag uyab. Every day off niya kay sa akong boarding house siya matulog. Sulod sa 2 months, nakaadto napud ko sa ilaha and nameet iyang parents.

Sa tinuod Chixie, nanguyab ko niya. Naghuwat ko nga iya kong sugton. Pero, niabot ang time nga akong gikahadlukan. One time, nakig storya siya nako ug iya kong giprangkahan nga love ko niya but dili enough iyang love para iya kong sugton.

Sakit kaayo Chixie nga after all sa akong sacrifice nga mas gipili nako siya kaysa sa akong ex kaniadto, is wala ra diay gihapon na reciprocate akong love.

Nakaingun ko nga karma na siguro ni. Angay pa ba nga magpabilin ko ug huwaton nako hangtud nga sugton ko niya?