dates fest started in doha

ഈന്തപ്പഴ മഹോത്സവം ആരംഭിച്ചു



മഹോത്സവം 17 ദിവസം നീണ്ടു നില്‍ക്കും



മൂന്നാമത് ഈന്തപ്പഴ മഹോത്സവത്തിന് ഖത്തറില്‍ തുടക്കമായി.കഴിഞ്ഞ വര്‍ഷം 57 ഫാമുകളാണ് മഹോത്സവത്തില്‍ പങ്കെടുത്തത്. ഈ വര്‍ഷം പങ്കെടുക്കുന്ന ഫാമുകളുടെ എണ്ണം 73 ആയി വര്‍ധിച്ചു.
രാജ്യത്തിന്റെ ആവശ്യങ്ങള്‍ക്ക് അനുസരിച്ച് എണ്‍പത് ശതമാനം ഈന്തപ്പഴവും ഉല്‍പാദിപ്പിക്കാന്‍ സാധിക്കുന്നുണ്ടെന്ന് മുനിസിപ്പാലിറ്റി- പരിസ്ഥിതി മന്ത്രാലയത്തിലെ കാര്‍ഷിക- ലൈവ്‌സ്റ്റോക്ക്- ഫിഷറീസ് വിഭാഗം അസിസ്റ്റന്റ് അണ്ടര്‍ സെക്രട്ടറി ശൈഖ് ഡോ. ഫാലഹ് ബിന്‍ നാസര്‍ അല്‍ താനി പറഞ്ഞു. ഈന്തപ്പഴ മഹോത്സവം 17 ദിവസം നീണ്ടുനില്‍ക്കും.പ്രാദേശിക ഫാമുകളില്‍ നിന്നായി 2006 മുതല്‍ ഇതിനകം 10 മില്ല്യന്‍ റിയാലിന്റെ ഉല്‍പന്നങ്ങള്‍ മന്ത്രാലയം വാങ്ങിയിട്ടുണ്ട്. പ്രാദേശിക ഫാമുകളില്‍നിന്ന് വാങ്ങുന്ന ഈന്തപ്പഴം ചാരിറ്റി പ്രവര്‍ത്തനങ്ങള്‍ക്കാണ് വിതരണം ചെയ്യുന്നതെന്നും അദ്ദേഹം പറഞ്ഞു.