Daagh Dehlvi - Ghazal 10

pukarti hai khamoshi meri fugan ki tarah
nigahen kahtai hain sab raz-e-dil zuban ki tarah


jala k dag-e-muhabbat ne dil ko khak kiya
bahar ai mere bag main khizan ki tarah


talash-e-yar main chori na sar-zamin koi
hamare panv main chakar hain asman ki tarah


ada-e-matlab-e-dil hamase sikh jaye koi
unhen suna hi diya hal dastan ki tarah

Daagh Dehlvi

http://www.poemhunter.com/poem/ghazal-10/