cashew owners strike

തിരുവോണ ദിവസം ഒരു " പട്ടിണി സമരം "


കശുവണ്ടി വ്യവസായത്തെ പുനരുദ്ധരിക്കുകയായിരുന്നു ആവശ്യം




പരമ്പരാഗതമായ കശുവണ്ടി വ്യവസായത്തെ പുനരുദ്ധരിക്കണമെന്ന ആവശ്യവുമായി പട്ടിണി കിടന്നാണ് തിരുവോണ ദിവസം കശുവണ്ടി വ്യവസായികളും കുടുംബവും സമരം നടത്തിയത്.കശുവണ്ടി വ്യവസായം കേരളത്തില്‍ നിശ്ചലമായിട്ടു മൂന്ന് വര്‍ഷമായി.കേരളത്തിന് ഏറ്റവും കൂടുതല്‍ വിദേശ നാണ്യം നേടിത്തരുന്ന ഈ വ്യവസായികള്‍ തങ്ങളുടെ ഭാവിയില്‍ ഇപ്പോള്‍ കാണുന്നത് ജയില്‍ വാസവും ആത്മഹത്യയുമാണ്‌. കേരളത്തിലെ കശുവണ്ടി വ്യവസായികള്‍ക്ക് മേല്‍ ധനകാര്യ സ്ഥാപനങ്ങള്‍ നടത്തിവരുന്ന ജപ്തി നടപടികള്‍ എത്രയും പെട്ടെന്ന് നിര്‍ത്തി വയ്ക്കണം എന്നതാണ് ഇവരുടെ പ്രാഥമിക ആവശ്യം.കേന്ദ്ര-കേരള സര്‍ക്കാര്‍ വകുപ്പുകളില്‍ നിന്നും വ്യവസായികള്‍ക്ക് മേല്‍ നടത്തിവരുന്ന റെവന്യു റിക്കവറി നടപടികള്‍ അടിയന്തിരമായി നിര്‍ത്തിവയ്ക്കണമെന്നും അവര്‍ ആവശ്യപ്പെടുന്നു.നോണ്‍ പെര്‍ഫോമിംഗ് അക്കൗണ്ട്‌ ആയുള്ള അക്കൌണ്ടുകള്‍ ബഹുമാനപ്പെട്ട മുഖ്യമന്ത്രിയും എസ എല്‍ ബി സി , ആര്‍ ബി ഐ, ബാങ്കുകളും ചേര്‍ന്നെടുത്ത തീരുമാനപ്രകാരം റിവൈവല്‍ പ്ലാന്‍ 2018 മാര്‍ച്ച്‌ 31 സമര്‍പ്പിച്ച ഫക്ടരികള്‍ക്ക് ഉടന്‍ തന്നെ ധനകാര്യ സ്ഥാപനങ്ങലെക്കൊണ്ട് വ്യവസായം പുനരുദ്ധരിപ്പിക്കാന്‍ വേണ്ടുന്ന സാഹചര്യങ്ങള്‍ക്ക് ബഹു. മുഖ്യമന്ത്രി മുന്‍കൈ എടുകണമെന്നും അവരുടെ ആവശ്യങ്ങളില്‍ പറയുന്നുണ്ട്. ഏറ്റവും പ്രധാനപ്പെട്ട പരമ്പരാഗതമായ കശുവണ്ടി വ്യവസായം പുനരുദ്ധരിച്ച് കേരളത്തില്‍ നിലനിര്‍ത്തുന്നതിനാണ് തങ്ങളുടെ സമരമെന്നും അവര്‍ അറിയിച്ചു.ഏകദേശം നൂറില്‍ അധികം വ്യവസായികളും അവരുടെ കുടുംബവും സമരത്തില്‍ പങ്കെടുത്തു.